Reperi nga On Records, Getinjo është befasuar mbrëmë për të mirë. Ai ka mësuar se një fans i tij ka vendosur t’i lë emrin e tij artistik djalit të vogël.
Nga çfarë shihet në pasaportë, bëhet fjalë për një djalosh nga Shqipëria i lindur në Lezhë.
Reperi përmes profilit të tij në Instagram ka deklaruar se nga ky gjest ka mbetur pa fjalë. Getinjo, emri i vërtetë i të cilit është Getoar në të kaluarën ka pasur edhe Young Ghetto si nofkë artistike por në masë të gjerë njihet si Getinjo.
Në një intervistë për Prive ai bashkë me vëllaun, Mozzik deklaruan se në prill sjellin duetin e përbashkët ‘Toni Montana’ por paraprakisht Getinjo do publikojë një duet me Baby Gee, artiste e re në On Records. /Prive.al/
