Gjatë mbrëmjes së djeshme, Bora Zemani përcolli vendimin e produksionit të “Për’puthen”. Ajo njoftoi se konkurrenti ishte pezulluar deri në vendimin e radhës.
Mirëpo me anë të një postimi në llogarinë e tij në Instagram, Atdhe Xharavina njoftoi se ai ishte larguar nga emisioni me dëshirën e tij, dhe se nuk ishte pezulluar.
“Të dashur miq! Më vjen keq për shumë info të pavërteta që mund të keni dëgjuar këto ditë, për situatën e krijuar kur figura ime kinse ka dashur të përbaltet por nuk do të munden dot. Një sqarim për dashamirësit e mi: Atdheu nuk është pezulluar nga emisioni, por jam larguar vetë me dëshirën time për mos t’u bërë pjesë e llumit. Ju falenderoj për mbështetjen e do të jem gjithnjë transparent me ju!”, shkruan Atdheu.
