Atrikujt e shpërndarë javën e shkuar në median rozë, sipas të cilëve, ish-miss Albania Almeda Abazi ka mohuar prejardhjen e saj nga Shqipëria, kanë rezultuar të pavërtetë.
Bukuroshja zeshkane ka reaguar për këtë lajm, duke thënë se në Turqi e njohin dhe e pëlqejnë pikërisht sepse është shqiptare.
Për lapsi.al, Almeda Abazi shprehet se asgjë në ato çfarë shkruhet nuk është e saktë:
“Është shpikja më kot që kanë bërë rreth meje deri më sot. Akoma nuk e kam kuptuar se nga doli ky lajm i pavërtetë.
Mua këtu në Turqi të gjithë më njohin si Almeda shqiptarja.”
Ish-miss Shqipëria e cila prej vitesh ka ndërtuar karrierën e saj në televizionin turk, u përfol ditët e fundit se për shkak të dashurisë me turkun Tolgahan Sayisman i njohur si Çenari, ka preferuar të konvertohet në turke.
Por, sipas saj kjo nuk është e vërtetë pasi, edhe për këtë marrëdhënie nuk ka asgjë konkrete:
“Si mund të them që jam turke?! Aq më tepër për t’i bërë qejfin të dashurit, për të cilin nuk kam folur kurrë në media”.
/Lapsi.al
