Nick Cannon thotë se i vjen keq për “çdo dhimbje apo konfuzion shtesë” që ka shkaktuar mes lajmeve se ai është në pritje të fëmijës së tij të tetë.
“Unë jam një qenie njerëzore e përgjegjshme dhe marr përgjegjësinë e plotë për gjithçka,” tha komediani, gjatë talk show-it të tij enjten. “Kështu që më duhet të them, sinqerisht u kërkoj falje të gjithëve të përfshirë”.
Cannon konfirmoi në fillim të kësaj jave se ai po pret një fëmijë tjetër këtë herë me Bre Tiesi, pasi publikoi fotot nga festa e tyre të zbulimit të gjinisë së fëmijës në Malibu, Kaliforni, gjatë fundjavës.
Ylli pranoi se ishte në mëdyshje për të ndarë lajmin e foshnjës, aq shpejt pasi ai dhe Alyssa Scott humbën djalin e tyre 5 muajsh nga kanceri i trurit në muajin dhjetor.
“Kjo ishte gjithmonë në pjesën e pasme të mendjes sime, si: “Cila është koha e duhur? Si ta ndaj këtë”? shpjegoi Cannon të enjten. “Doja të respektoja përfundimisht procesin e pikëllimit me Alyssa dhe Bre ishte mjaft e respektueshme, ajo ndaloi të bënte njoftimet tona dhe të fliste në mediat sociale”.
Cannon theksoi se humbja e djalit të tij dhe bërja publike e lajmit të fëmijës së tij të tetë ishin “dy momente krejtësisht të ndara” në jetën e tij, për të cilat ai “gaboi” ndërsa konfirmoi fillimisht lajmin.
Ai tha të enjten se premton të jetë “më i kuptueshëm, i kujdesshëm dhe i dhembshur” duke ecur përpara.
