Artistët e ri në shoubizin shqiptar kanë ndjekur kryesisht një strategji të vetme në trajektoren e afirmimit – atë të bashkëpunimin me emra të ‘mëdhenj’.
Dhjetëra artistë që sot qëndrojnë në piedestal kanë vendosur të nisin karrierën në këtë mënyrë për t’i tejkaluar më pas edhe vetë emrat që i kishin zgjatur dorën në fillim.
Por, dy prej reperë të rinj në moshë duket se kanë zgjedhur një tjetër strategji.
Kidda dhe S4MM që kanë tërhequr vëmendje me projektet e fundit që numërojnë miliona shikime në Youtube do i bashkojnë forcat me njëri-tjetrin.
Kjo të paktën është lënë të kuptohet nga disa postime të njejta ku djemtë kanë etiketuar njëri-tjetrin dhe turbullt kanë postuar fotografi me mbishkrimin ‘Komedi’ duke lënë të dyshohet se janë në duet.
Mbetet të qartësohen gjërat për pak ditë. /Prive.al
