Një prej festivaleve të promovuara gjatë me pompozitet, P+ duket se do mbahet mend më së shumti për asgjë tjetër pos dështimeve në çdo natë të organizimit.
U nis me zhgënjimin nga mos dalja në skenë e Bushidos e vazhdoi mbrëmë me reagimin e ashpër të Dj Sabb i cili akuzonte organizatorët për mos furnizim të gjeneratorit me benzinë.
Për çudi, ky status i rëndë u fshi më pas teksa akterë të afërt me P+ mohuan për Prive.al këtë problem pa dhënë detaje se çka mund ta ketë shtyrë Dj Sabb të thotë ato fjalë, nëse nuk do ishin të vërteta.
Por, një tjetër dështim i P+ duket të mos ketë mundësi të shlyhet sonte, në natën e tretë përmbyllëse të festivalit. Një prej grupeve më të pritura, Jericho, nuk ka performuar siç janë shprehur publikisht në Facebook, për shkak të mos plotësimit të kushteve nga organizatorët.
