Erdhi, e elektrizoi Prishtinën me prezencë e performancë dhe iku menjëherë për një tjetër ngjarje.
Këngëtarja Rita Ora, këndoi para bashkëvendësve të saj në Prishtinë, në koncertin e festës së 10-të vjetorit të pavarësisë së Kosovës.
Ora u shfaq në skenë e veshur kuq e zi, ndërsa vallëzoi edhe me melodi shqipe duke bërë gjithë opinionin publik t’i ketë sytë nga ajo.
Menjëherë pas koncertit. Rita është nisur për në Britani të Madhe ku e pret një tjetër ngjarje, ajo e Brit Awards.
Por para se të shkonte, ajo ka lënë një mesazh, ku shpreh mirënjohjen e saj për të gjithë ata që shkuan ta dëgjonin dhe për ekipin që e ndihmoi realizimin e koncertit.
“Sapo më thanë se 300,000 njerëz erdhën të më shohin sonte. Urime dita e pavarësisë. S’do doja të isha në asnjë vend tjetër të botës. E filluam këtë bashkë dhe s’do të isha këtu pa ju. Një falënderim special për ekipin tim dhe atë të qeverisë. Kam 10-të vjet në skenë dhe kjo ndjenjë s’largohet asnjëherë. Jam mirënjohëse, krenare, jam shqiptare. Deri herën tjetër. Destinacioni i radhës “the Brits”, ka shkruar ajo në Instagram, duke publikuar edhe një seri fotografish nga kjo mbrëmje. /Prive.al
