Kjo fundjavë ishte planifikuar nga Beatrix dhe Alban Ramosaj për pushim.
Sidoqoftë, atyre ju ka ndodhur një ngjarje e tmerrshme të cilën s’do ta harrojnë.
Për të parën herë në Greqi, dyshja të shoqëruar me një tjetër mik janë plaçkitur.
Grabitësit kanë thyer xhamin e makinës me targa shqiptare me të cilën qarkullonin Albani dhe Beatrix duke vjedhur laptopin dhe mbi të gjitha, dokumentat, përfshirë pasaportën.
Një detaj i tillë forcon dyshimet se sulmi mund të jetë bërë vetëm për motive etnike e sikur të mos mjaftonte ngjarja, as policia greke nuk ka intervenuar shpejt përkundër thirrjeve.
Ngjarjen e kanë ndarë në Instagram dy këngëtarët.
Beatrix në postimin e saj shprehet: ‘Hera e parë në Greqi dhe thyen makinën duke vjedhë pasaportat, dokumentat e veturës, laptopin dhe ca gjëra të tjera. Ne kemi thirrë policën dhe s’janë akoma këtu. Çfarë të bëjmë? Është çmenduri’.
Në po të njejtën linjë, ka qenë edhe reagimi i Albanit i cili shprehet:’Ok, para se të më gjykoni si mund të hedh një gjë të tillë në Instagram, është hera e parë që më ndodh diçka e tillë. Na vodhën pasaportat, dokumentet tjera. Nuk kemi njeri në këtë qytet dhe policia ka mbi një orë e gjysmë që është ‘rrugës’. Thua të jetë ngaqë jemi shqiptarë? Thua ta kenë bërë se kanë para targat shqiptare? Apo e bëjnë shpesh këtë gjë këtu? Ç’mikpritje’ – deklaron këngëtari.
Nga kjo eksperiencë, me gjasë, këngëtarët do t’i shmangen Greqisë, të paktën për një kohë. /Prive.al
