Me një diferencë të madhe pikësh nga kolegët e tij. Flori Mumajesi rrëmbeu për herë të dytë çmimin e parë në festivalin “Kënga Magjike”.
Në mënyrën e veçantë të votimit që ka ky kompeticion, ai u vlerësua lart nga kolegët e tj për baladën “Plas”.
Kënga e cila ditët që lamë pas u përfol tej mase shumë duke u cilësuar si dedikim për një person të zemrës, u zgjodh fituese e këtij festivali, që këtë vit shënoi edhe edicionin e 20-të me radhë.
Në vendin e dytë janë vënë Aurela Gaçe dhe Eli Fara me këngën “Zemra Ratatata”, ndërsa vendin e tretë e kanë zënë dyshja fantastike Fifi dhe MC Kresha me këngën “Psikopatja Jote”.
Ndersa përveç çmimit të parë, Flori këtë vit e ka fituar çmimin “Balada më e mirë”, ndërsa edhe njëherë ai e dëshmoi se është gjeni i llojit të vet.
Kur mori çmimin e parë, atë të baladës më të mirë, ende pa nisur të këndonte vet, publiku po i thurte vargjet e këngës së tij.
Ndërsa në fund fare, me të gjithë kolegët ai e interpretoi këngën e tij “Plas” – dhe desh na i plasi zemrat nga emocionet! URIME FLORI /Prive.al
