Këngëtari kosovar Ramadan Krasniqi i njohur si Dani, ka bërë një udhëtim të gjatë në karrierën muzikore.
Dani nuk i është ndarë skenës që nga dita e parë që ka nisur të këndojë, ndërsa tani atë e gjen ende duke sjellë këngë që i shndërrohen në hite.
Ajo e fundit erdhi në bashkëpunim me këngëtarin Irkenc Hyka dhe u quajt “Një lamtumirë”.
Por kjo nuk është lamtumirë e Danit me muzikën, ngase ai së fundmi po planifikon që të sjellë edhe një koncert të madh ku do sjellë këngët e tij të kënduara ndër vite dhe jo vetëm kaq.
Në një intervistë për Prive, këtë javë Dani thotë se nuk e ka ndërmend të ndalet së krijuari këngë!
