Këngëtarja kosovare me famë botërore, Dua Lipa është nominuar në kategorinë për Artisten më të mirë të re dhe Vallëzimin më të mirë në “Grammy”.
Falë këtyre nominimeve ajo ka vendosur emrin e Kosovës në “Times Square”, sheshin më të njohur të botës.
“Artistja më e mirë e re 2019. Nga Kosova në Britani të Madhe, drejt nominimit për artisten më të mirë të re. Dua Lipa”, shkruhet mbi reklamën e vendosur në New York.
Artistja që ka marrë vëmendjen e krejt botës së fundmi ka publikuar edhe këngën “Swan Song”, që do jetë kolona zanore e filmit “Alita: Battle Ange”.
