Sikur të mos kishin asnjë punë në këtë botë, Getoar Selimi e Marina Vjollca, potencialisht janë cifti shqiptar që bëjnë më së shumti pushime.
Sa i ke këtu e sa atje, sa në Milano, sa në Londër e tani paskan ikur në Shtetet e Bashkuara.
Dyshja i kanë nisur pushimet verore në ishullin Barbados, që ndodhet në lindje të ishujve Karaibe, atje ku plazhet dhe botanika janë thjesht magjepsëse.
Madje nëse nuk e keni ditur, këngëtarja Rihanna vjen pikërisht nga ky vend dhe jo rrallë u shkon familjarëve të saj për vizitë.
Geti e Marina nuk kanë pritur që të publikojnë fotografitë nga pushimet e tyre në rrjete sociale, derisa cifti para pak ditësh ishin në Londër.
Madje, publiku u përfshi në një dilemë të madhe nëse moderatorja Vjollca ishte shtatzënë, meqë u shfaqën në një limuzinë të përqafuar në një fotografi, ku Geti po i mbante barkun.
Megjithatë, Prive nga burime pranë çiftit, e konfirmoi se dyshja nuk janë në rrugë për tu bërë prindër dhe dyshimi u shua. /Prive.al
