Edhe njëherë me duart e tij, ai prodhoi një perlë në muzikë.
Këngëtari Alban Skënderaj, ka lansuar këngën e re në bashkëpunim me gruan e tij Miriam Canin, një këngë kjo që i dedikohet të bijës së tyre Ameli.
Çifti i famshëm preja artistësh, këtë e kanë të tretin projekt bashkë, ndërsa kjo këngë vjen si dedikim për jetën e tyre të përbashkët familjare.
Teksti i këngës “Dhurata” është bërë nga Albani, sikurse edhe muzika.
E kënga, është publikuar në një moment shumë të veçantë për familjen Skënderaj dhe Cani.
Sot është edhe ditëlindja e Ameli që koincidon me Ditën e Pavarësisë së Shqipërisë, andaj Albani përveç se i bëri vajzës dhuratë për ditëlindje këngën, ka edhe disa vargje të bukura për të e po ashtu edhe e uron festën e 28 Nëntorit.
“Gezuar datelindjen e shtrenjta ime ne kete dite te madhe dhe te bekuar. Ti erdhe atehere kur kishim me shume se kurre nevoje per ty si Dhurata me e bukur ne jete. Kjo kenge qe besoj se jane fjalet e cdo prindi eshte Dhurata jone per ty. Ti sot mbush 2 vjec dhe ne urojme me zemer qe te behesh 105. Na duket sikur te gjithe shqiptaret sot festojne pak edhe per ty. Gezuar diten e Pavaresise te gjitheve dhe qofshi te lumtur prane familjeve tuaja”.
Klipi i ri i dyshes, është më shumë se një videospot kënge. Ata të dy kanë përmbledhur aty momente të bukura me të bijën dhe gjithçka është reale, e përçuar me emocion nga këngëtarët.
Fare në fund, një varg e këndon edhe Ameli, që në gjuhën e saj fëmijërore i shton ëmbëlsinë kësaj kënge. /Prive.al
