Festivali ‘Sunny Hill’ sonte përmbyllë edicionin e dytë të tij.
Një fundjavë e jashtëzakonshme nën organizimin e familjes Lipa solli në Kosovë super yje ndërkombëtarë si Miley Cyrus dhe Calvin Harris i cili pritet të performojë sonte.
Por, duket se jehona e këtij festivali, të shndërruar tashmë në të përvitshëm ka marrë vëmendjen edhe të artistëve të tjerë.
DJ i njohur, Diplo, i cili numëron dhjetëra hite si pjesë e trios ‘Major Lazer’ ka komentuar në një prej postimeve të Duas nga festivali duke u shprehur: ‘Do vij vitin tjetër!’.
Diplo i cili ka bashkëpunuar me artistë si Britney Spears, Justin Bieber, Madona, Shakira, Beyonce, Usher e Chris Brown duket të jetë ‘vullnetari’ i parë për ‘Sunny Hill 2020’ dhe ne mezi po presim konfirmimin e artistëve të tjerë. /Prive.al
